ഇന്ത്യന് സ്പിന്നര് രവിചന്ദ്ര അശ്വിന് അന്താരാഷ്ട്ര ക്രിക്കറ്റില് നിന്നും വിരമിച്ചു. ബ്രിസ്ബേനില് ബുധനാഴ്ച ഓസ്ട്രേലിയക്കെതിരായ മൂന്നാം ടെസ്റ്റില് ഇന്ത്യ സമനില വഴങ്ങിയതിന് പിന്നാലെയാണ് രവിചന്ദ്രന് നിന്ന് വിരമിക്കല് തീരുമാനം പ്രഖ്യാപിച്ചത്.
ടെസ്റ്റ് ക്രിക്കറ്റില് ഇന്ത്യക്കായി ഏറ്റവും കൂടുതല് വിക്കറ്റ് വീഴ്ത്തിയ രണ്ടാമത്തെ ബൗളറായ അശ്വിന് 13 വര്ഷത്തെ കരിയറില് 106 ടെസ്റ്റുകള് കളിച്ചു, അതില് അവസാനത്തേത് അഡ്ലെയ്ഡില് നടന്ന ബോര്ഡര്-ഗവാസ്കര് ട്രോഫിയിലാണ്.
2010 ജൂണിലാണ് അന്താരാഷ്ട്ര ക്രിക്കറ്റില് അരങ്ങേറ്റം നടത്തിയത്. 2011ല് ഏകദിന ലോകകപ്പ് വിജയിച്ച ഇന്ത്യന് ടീമംഗമായിരുന്നു അശ്വിന്. ടെസ്റ്റ് ചരിത്രത്തില് ഏറ്റവും കൂടുതല് മാന് ഓഫ് ദി സീരീസ് പുരസ്കാരം നേടിയ താരവും (11) അശ്വിന് തന്നെ. അനില് കുംബ്ലേക്ക് ശേഷം ഏറ്റവും കൂടുതല് വിക്കറ്റ് നേടിയ ഇന്ത്യന് ബൗളറും അശ്വിനാണ്. ടെസ്റ്റില് ഏറ്റവും കൂടുതല് വിക്കറ്റ് നേടിയ താരങ്ങളില് ഏഴാമതുണ്ട് അശ്വിന്. ന്യൂസിലന്ഡിനെതിരെ ടെസ്റ്റ് പരമ്പരയിലാണ് അശ്വിന് അവസാനമായി കളിച്ചത്. മൂന്ന് ടെസ്റ്റില് നിന്ന് ഒമ്പത് വിക്കറ്റ് മാത്രമാണ് അശ്വിന് വീഴ്ത്തിയത്.
