ഫ്രഞ്ച് സൂപ്പര്‍ താരം കൈലിയന്‍ എംബാപ്പെയ്ക്ക് സര്‍പ്രൈസ് ഒരുക്കി പിഎസ്ജി. കഴിഞ്ഞ ദിവസം 25 വയസ്സ് തികഞ്ഞ എംബാപ്പയ്ക്ക് മെറ്റ്‌സിനെതിരെയുള്ള മത്സരത്തിനിടയിലാണ് പിഎസ്ജി സര്‍പ്രൈസ് ഒരുക്കിയത്.
പിഎസ്ജി ഗംഭീര വിജയം നേടിയപ്പോള്‍ ഇരട്ട ഗോളുകളുമായി എംബാപ്പെയും തിളങ്ങി. ഒന്നിനെതിരെ മൂന്ന് ഗോളുകള്‍ക്കായിരുന്നു പിഎസ്ജിയുടെ വിജയം. മെറ്റ്‌സിനായി ഉഡോള്‍ ആശ്വാസ ഗോളും കണ്ടെത്തി.
ഈ മത്സരത്തിനിടെയായിരുന്നു പിഎസ്ജിയുടെ സര്‍പ്രൈസ്. എംബാപ്പെയുടെ സഹോദരനെ കളിക്കളത്തില്‍ ഇറക്കിയാണ് എംബാപ്പെയ്ക്ക് പിഎസ്ജി സര്‍പ്രൈസ് ഒരുക്കിയത്. സ്റ്റോപേജ് സമയത്തായിരുന്നു എഥാനെ പിഎസ്ജി ഇറക്കിയത്. ടീമിന്റെ വിജയം എംബാപ്പയോടൊപ്പം ആഘോഷിച്ചാണ് എഥാന്‍ കളിക്കളം വിട്ടത്.
ഫ്രഞ്ച് ലീഗില്‍ നിലവില്‍ പിഎസ്ജി ഇപ്പോള്‍ ഒന്നാം സ്ഥാനത്താണ്. 17 മത്സരങ്ങളില്‍ 40 പോയിന്റാണുള്ളത് പിഎസ്ജിക്ക്. രണ്ടാം സ്ഥാനത്തുള്ള നൈസിന് 35 പോയിന്റാണുള്ളത്.
