ഐപിഎല്ലിന്റ 17-ാം സീസണിന് മുന്നോടിയായുള്ള താരലേലം നടന്നുകൊണ്ടിരിക്കുകയാണ്. ചരിത്രത്തിലെ തന്നെ റെക്കോര്‍ഡ് തുകയ്ക്ക് പാറ്റ് കമ്മിന്‍സിനെ സ്വന്തമാക്കി സണ്‍ റൈസേഴ്‌സ്. 20 കോടി 50 ലക്ഷത്തിനാണ് ഓസ്‌ട്രേലിയന്‍ ക്യാപ്റ്റനെ സണ്‍ റൈസേഴ്‌സ് സ്വന്തമാക്കിയത്..
2 കോടി അടിസ്ഥാന വിലയില്‍ തുടങ്ങിയ ലേലം അവസാനം റെക്കോര്‍ഡ് തുകയിലേക്ക് കടക്കുകയായിരുന്നു. തുടക്കത്തില്‍ ചെന്നൈ സൂപ്പര്‍കിംഗ്‌സും ആര്‍ സി ബിയും മുംബൈ ഇന്ത്യന്‍സും സണ്‍ റൈസേഴ്‌സ് ഹൈദരബാദുമായിരുന്നു കമ്മിന്‍സിനായി മത്സരരംത്ത് ഉണ്ടായിരുന്നത്.
എന്നാല്‍ 10 കോടിക്ക് മുകളിലേക്ക് ബിഡ് പോയതോടെ ചെന്നൈയും മുംബൈയും പിന്‍വാങ്ങി.. തുടര്‍ന്ന് ആര്‍സിബിയും സണ്‍റൈസേഴ്‌സും തമ്മിലുള്ള പോരാട്ടമായി മാറി. അവസാനം റെക്കോര്‍ഡ് തുകയ്ക്ക് സണ്‍റൈസേഴ്‌സ് കമ്മിന്‍സിനെ സ്വന്തമാക്കുകയായിരുന്നു.
ഐപിഎല്ലില്‍ 42 മത്സരങ്ങള്‍ കളിച്ചിട്ടുള്ള കമ്മിന്‍സന്‍ 45 വിക്കറ്റുകളും നേടിയിട്ടുണ്ട്. ഐപിഎല്ലില്‍ കൊല്‍ക്കത്ത നൈറ്റ് റൈഡേഴ്‌സിനായും ഡെല്‍ഹി ഡെവിള്‍സിനുമായും കമ്മിന്‍സ് കളിച്ചിട്ടുണ്ട്. കഴിഞ്ഞ ലോകകപ്പ് ക്രിക്കറ്റ് നേടിയ ഓസ്‌ട്രേലിയന്‍ ടീമിന്റെ ക്യാപ്റ്റനായിരുന്നു കമ്മിന്‍സ്.. അക്കാരണവും പിന്നെ ഓള്‍റൗണ്ടര്‍ ആണെന്നുള്ളതുമായിരിക്കാം ഓസ്‌ട്രേലിയന്‍ ക്യാപ്റ്റന് ഐപിഎല്ലില്‍ ഇത്രയും മൂല്യമേറാന്‍ കാരണം.
