മുന്‍ അര്‍ജന്റീന ഫോര്‍വേഡായ എസിക്വെയ്ല്‍ ലാവേസിയ്ക്ക് കുത്തേറ്റു. ഡിസംബര്‍ 20 നാണ് സംഭവം. വയറിനേറ്റ പരിക്കിനെ തുടര്‍ന്ന് അദ്ദേഹം ആശുപത്രിയില്‍ ചികിത്സയിലാണ്. യുറഗ്വോയിലെ കാറ്റെഗ്രില്‍ ആശുപത്രിയിലാണ് ഇപ്പോള്‍ താരം ഉള്ളത്.
ലാവേസിയേക്ക് കുത്തേറ്റതുമായി ബന്ധപ്പെട്ട പല പല റിപ്പോര്‍ട്ടുകളാണ് പുറത്ത് വരുന്നത്. യുറേഗ്വേയ് മാദ്യമമായ എല്‍ ഒബസെര്‍വാഡോറിന്റെ റിപ്പോര്‍ട്ട് പ്രകാരം താരത്തിനെ കുടുംബാംഗങ്ങളിലുള്ള ആരോ ഒരാളാണ് കുത്തിയതെന്ന് പറയുന്നു. പണം സംബന്ധിച്ച തര്‍ക്കമാണ് ആക്രമണത്തിലേക്ക് നയിച്ചതെന്നും യുറുഗ്വേയന്‍ മാധ്യമം പറയുന്നു.
എന്നാല്‍ ടിവൈസി സ്‌പോര്‍ട്‌സിന്റെ റിപ്പോര്‍ട്ടുകള്‍ പ്രകാരം ലാവേസി ബള്‍ബ് മാറ്റിയിടാനായി പടി കയറിയപ്പോള്‍ വീണ് പരിക്കേറ്റതെന്നാണ് പറയുന്നത്. കുടുംബാംഗങ്ങളെ ഉദ്ധരിച്ചാണ് അവര്‍ ഈ വാര്‍ത്ത് റിപ്പോര്‍ട്ട് ചെയ്യതത്.
അതേസമയം ഈ റിപ്പോര്‍ട്ടുകളെ കുറിച്ച് പോലീസ് ഇതുവരെ സ്ഥിരീകരണം ഒന്നും നല്‍കിയിട്ടില്ല. അദ്ദേഹത്തിന്റെ ആരോഗ്യസ്ഥിതിയെ കുറിച്ചും വിവരങ്ങളൊന്നും പുറത്ത് വന്നിട്ടില്ല.
അര്‍ജന്റീനക്കായി 51 മത്സരങ്ങളില്‍ ബൂട്ട് കെട്ടിയ അദ്ദേഹം 2020 ലാണ് ഫുട്‌ബോളില്‍ നിന്നും വിരമിക്കുന്നത്.
