ക്രൊയേഷ്യ : ചെസ് ലോകത്തിന്റെ ശ്രദ്ധ പിടിച്ചുപറ്റി എട്ടു വയസ്സുകാരിയായ ബോധന ശിവാനന്ദന്‍. ക്രൊയേഷ്യയില്‍ അരങ്ങേറിയ യൂറോപ്യന്‍ റാപ്പിഡ് ആന്‍ഡ് ബ്ലിറ്റ്‌സ് ചാമ്പ്യന്‍ഷിപ്പിലാണ് ഇന്ത്യന്‍ വംശജ കൂടിയായ ബോധന മികച്ച പ്രകടനത്തിലൂടെ ലോക ശ്രദ്ധ പിടിച്ചു പറ്റിയത്. വനിതാ വിഭാഗത്തില്‍ ഒന്നാം സമ്മാനം നേടിയതോടൊപ്പം മികച്ച വനിതാ താരമായി തിരഞ്ഞെടുക്കപ്പെടുകയും ചെയ്തു ഈ കൊച്ചു മിടുക്കി. 48 ഗ്രാന്‍ഡ്മാസ്റ്റര്‍മാരും 50 ഇന്റര്‍നാഷണല്‍ മാസ്റ്റേഴ്‌സുമക്കം 555 താരങ്ങള്‍ പങ്കെടുത്ത ചാമ്പ്യന്‍ഷിപ്പായിരുന്നു ഇത്. അതുകൊണ്ട് തന്നെ എതിരാളികളുടേതടക്കം കൈയ്യടി നേടാന്‍ ഈ എട്ടു വയ്സ്സുകാരിക്കായി.
13 റൗണ്ട് ബ്ലിറ്റ്‌സ് മത്സരത്തില്‍ 8.5/13 പോയ്ന്റുകള്‍ നേടി ബോധനയ്ക്ക് ഇത്രയുമധികം താരങ്ങള്‍ പങ്കെടുത്ത ചാമ്പ്യന്‍ഷിപ്പില്‍ 73-ാം സ്ഥാനത്തെത്താനും സാധിച്ചു. തന്നേക്കാള്‍ 30 വര്‍ഷത്തിലേറെ സീനിയറായ ഒരു താരത്തെ തോല്‍പ്പിക്കുകയും ചെയ്തു ഈ കൊച്ചു മിടുക്കി. ഇന്റര്‍നാഷണല്‍ മാസ്റ്ററും ഇംഗ്ലണ്ടിന്റെ വനിതാ പരിശീലകയുമായ 39 കാരി ലോറിന്‍ ഡക്കോസ്‌റ്റേയെയാണ് ബോധന തോല്‍പ്പിച്ചത്. വടക്ക് പടിഞ്ഞാറന്‍ ലണ്ടനിലെ ഹാരോ സ്വദേശിയായ ബോധന ശിവാനന്ദന്‍ ബ്രിട്ടീഷ് സ്‌കൂള്‍ വിദ്യാര്‍ത്ഥിനിയാണ്.
