സൗദി : സൗദി പ്രോ ലീഗില്‍ റൊണാള്‍ഡോ ഷോ തുടരുന്നു. CR7 ന്റെ മികവില്‍ അല്‍ നസറിന് തകര്‍പ്പന്‍ വിജയം. രണ്ടിനെതിരെ അഞ്ച് ഗോളുകള്‍ക്ക് ശക്തരായ അല്‍ ഇത്തിഹാദിനെയാണ് അല്‍ നസര്‍ തകര്‍ത്തത്.
ഇരട്ട ഗോളുകളുമായി റൊണാള്‍ഡോ കളം നിറഞ്ഞ് കളിച്ചപ്പോള്‍ ഇത്തിഹാദ് സ്വന്തം കാണികളുടെ ഇടയില്‍ നാണം കെടുകയായിരുന്നു. ഈ ഗോളുകളോടെ 2023 ല്‍ ഏറ്റവും കൂടുതല്‍ ഗോളുകള്‍ നേടുന്ന താരമായി മാറി റൊണാള്‍ഡോ. 52 ഗോളുകള്‍ നേടിയ കെയ്‌നിനെയും എംബാപ്പെയുമാണ് റൊണാള്‍ഡോ മറികടന്നത്.
ഈ മത്സരത്തോടെ സൗദി ലീഗില്‍ 43 പോയിന്റുമായി അല്‍നസര്‍ രണ്ടാം സ്ഥാനത്താണ്. ഇത്തിഹാദ് 28 പോയിന്റുമായി ആറാം സ്ഥാനത്തും.
