ഇരിങ്ങാലക്കുട: കൊല്ലത്ത് നടക്കുന്ന 62-ാമത് സംസ്ഥാന സ്കൂൾ കലോത്സവത്തിൽ ഹൈസ്കൂൾ വിഭാഗം ആൺകുട്ടികളുടെ കഥകളി മത്സരത്തിൽ തുടർച്ചയായി രണ്ടാം വർഷവും ഇരിങ്ങാലക്കുട നാഷണൽ സ്കൂ‌ളിലെ യദുകൃഷ്ണൻ എ ഗ്രേഡ് നേടി വിജയിച്ചു.
കലാനിലയം ഗോപി ആശാൻ്റെ കീഴിൽ പരിശീലിച്ച് കല്യാണസൗഗന്ധികത്തിലെ ഭീമനാണ് രംഗത്ത് അവതരിപ്പിച്ചത്.
കഥകളിയിൽ അച്ഛനാണ് ആദ്യ ഗുരു. കലാനിലയം ഗോപിനാഥന്റെയും കലാമണ്ഡലം പ്രഷീജയുടേയും മകനാണ് യദുകൃഷ്ണൻ.
ജ്യേഷ്ഠൻ ഹരികൃഷ്‌ണനും ഈ രംഗത്ത് വളർന്നു വരുന്ന കലാകാരനാണ്.
