കൊടുങ്ങല്ലൂർ : കൊടുങ്ങല്ലൂരിലെ ജനങ്ങളുടെ ചിരകാലാഭിലാഷം യാഥാർത്ഥ്യമായി. വടക്കെ നടയിൽ 22.37 ലക്ഷം രൂപ ചെലവിൽ സ്മാർട്ട് ബസ്സ് കാത്തിരിപ്പ് കേന്ദ്രം ജനങ്ങൾക്കായി തുറന്നു കൊടുത്തു. വി.ആർ സുനിൽ കുമാർ എം എൽ എ യുടെ പ്രാദേശിക വികസന ഫണ്ട് ഉപയോഗിച്ച് നിർമ്മിച്ച കേന്ദ്രത്തിൽ ഫീഡിങ് റൂം , കേമറ , റേഡിയോ , ഫാൻ, വൈഫൈ , മൊബൈൽ ചാർജിങ് എന്നീ സംവിധാനങ്ങളും ഏർപ്പെടുത്തിയിട്ടുണ്ട്. വി. ആർ സുനിൽകുമാർ എം എൽ എ ഉദ്ഘാടനം നിർവ്വഹിച്ചു. ടി.കെ. ഗീത അദ്ധ്യക്ഷത വഹിച്ചു. ലത ഉണ്ണികൃഷ്ണൻ, കെ എസ് കൈസാബ്, എൽസി പോൾ , ഒഎൻ ജയദേവൻ, ഷീല പണിക്കശ്ശേരി, വാർഡ് കൗൺസിലർ കെ ആർ ജൈത്രൻ, എക്സി. എഞ്ചിനിയർ എസ്. ഹരീഷ്, അസി. എക്സി. എഞ്ചിനിയർ എ.കെ.നവീൻ, അസി എഞ്ചിനിയർ പി.എസ്.ദീപക് എന്നിവർ പ്രസംഗിച്ചു.
കൊടുങ്ങല്ലൂരിൽ സ്മാർട്ട് ബസ് കാത്തിരിപ്പ് കേന്ദ്രം തുറന്നു
Written by Taniniram1
Published on:
