മുംബൈ (Mumbai) : മുംബൈ ((Mumbai)) യിൽ സഹപ്രവർത്തകന്റെ 15 വയസ്സുള്ള മകളെ ബലാത്സംഗം ചെയ്ത കേസിൽ ഇന്ത്യൻ കോസ്റ്റ് ഗാർഡി (Indian Coast Guard) ലെ രണ്ട് ജീവനക്കാരെ അറസ്റ്റ് ചെയ്തതായി പോലീസ് ഉദ്യോഗസ്ഥർ അറിയിച്ചു. കഴിഞ്ഞ വർഷം ഒക്ടോബർ 17 നാണ് പീഡനം നടന്നത്.
നഗരത്തിന്റെ വടക്കൻ പ്രാന്തപ്രദേശത്തുള്ള പ്രതികളിൽ ഒരാളുടെ വീട്ടിലാണ് സംഭവം. പത്താം ക്ലാസ് വിദ്യാർത്ഥിനിയെയാണ് പ്രതികളായ 30 ഉം 23 ഉം പ്രായമുള്ള കോസ്റ്റ് ഗാർഡ് ഉദ്യോഗസ്ഥർ (Coast Guard personnel) പീഡിപ്പിച്ചതെന്ന് പോലീസ് പറഞ്ഞു.
ലൈംഗികാതിക്രമം ആരോപിക്കപ്പെട്ട ദിവസം അമ്മയും അനുജത്തിയും സഹോദരന്മാരും ഒരു ചടങ്ങിൽ പങ്കെടുക്കാൻ പോയതിനാൽ വിദ്യാർത്ഥിനി കോച്ചിംഗ് ക്ലാസിൽ നിന്ന് മടങ്ങിയെത്തിയപ്പോൾ തനിച്ചായിരുന്നു. ഈ അവസരത്തിൽ പ്രതികളിലൊരാളുടെ വീട്ടിലേക്ക് ക്ഷണിച്ച പെൺകുട്ടിയെ പ്രതികൾ ജ്യൂസിൽ മയക്കുമരുന്ന് നൽകി പീഡനത്തിനിരയാക്കുകയായിരുന്നു.
അതേ ദിവസം പെൺകുട്ടിയുടെ അച്ഛൻ രാത്രി ഡ്യൂട്ടിയിലായിരുന്നതിനാലും വീട്ടിൽ മറ്റാരും ഉണ്ടായിരുന്നില്ല. വീട്ടിലെത്തിയ ശേഷം പെൺകുട്ടി മാതാപിതാക്കളോട് തനിക്കുണ്ടായ ദുരനുഭവം പറയുകയും ഉദ്യോഗസ്ഥൻ പോലീസിൽ പരാതിപ്പെടുകയുമായിരുന്നു.
