Friday, April 4, 2025

മൃതദേഹം വീട്ടിലെ കട്ടിലിനടിയില്‍…

Must read

- Advertisement -

ന്യൂഡല്‍ഹി: ഡല്‍ഹിയില്‍ കാണാതായ വയോധികയുടെ മൃതദേഹം കണ്ടെത്തി. വീട്ടിലെ കിടപ്പുമുറിയില്‍ കട്ടിലിനടിയില്‍ പ്ലാസ്റ്റിക് ഷീറ്റില്‍ പൊതിഞ്ഞ നിലയിലാണ് കണ്ടെത്തിയത്‌. ഡിസംബര്‍ 10ന് ഡല്‍ഹിയിലെ നന്ദ് നഗരിയില്‍ നിന്നാണ് 60കാരിയെ കാണാതായത്. വീടിന്റെ താഴത്തെ നിലയിലെ മുറിയില്‍ നിന്ന് ദുര്‍ഗന്ധം വമിച്ചതോടെ വീട്ടുകാര്‍ പോലീസില്‍ വിവരമറിയിക്കുകയായിരുന്നു.

ആശാ ദേവി (60) ആണ് മരിച്ചത്. ഡിസംബര്‍ 10 മുതല്‍ അമ്മയെ കാണാനില്ലെന്ന് കാണിച്ച് മകന്‍ മഹാവീര്‍ സിംഗ് (33) നന്ദ് നഗ്രി പോലീസ് സ്റ്റേഷനില്‍ പരാതി നല്‍കി. നന്ദ് നഗ്രിയില്‍ വാടകക്കാരില്‍ നിന്ന് വാടക വാങ്ങാന്‍ പോയ ഇവരെ പിന്നീട് കാണാതാവുകയായിരുന്നുവെന്ന് മകന്റെ പരാതിയില്‍ പറയുന്നു.

വെള്ളിയാഴ്ച വൈകുന്നേരത്തോടെ, ഡല്‍ഹിയിലെ ഹര്‍ഷ് വിഹാറിലെ ആശാ ദേവിയുടെ കുടുംബാംഗങ്ങള്‍ താമസിക്കുന്ന വസതിയുടെ താഴത്തെ നിലയില്‍ നിന്ന് ദുര്‍ഗന്ധം വമിക്കാന്‍ തുടങ്ങി. താഴത്തെ നിലയിലെ കിടപ്പുമുറി പരിശോധിച്ചപ്പോഴാണ് കട്ടിലിനടിയില്‍ പ്ലാസ്റ്റിക്കില്‍ പൊതിഞ്ഞ നിലയില്‍ ആശാദേവിയുടെ മൃതദേഹം കണ്ടെത്തിയത്. തുടര്‍ന്ന് കുടുംബം പോലീസില്‍ അറിയിച്ചു.

ഫോറന്‍സിക് സയന്‍സ് ലബോറട്ടറി സംഘവും കുറ്റാന്വേഷണ സംഘവും സംഭവസ്ഥലത്ത് പരിശോധന നടത്തി. മൃതദേഹം അഴുകാന്‍ തുടങ്ങിയിരുന്നെന്നും മൃതദേഹം പോസ്റ്റ്മോര്‍ട്ടത്തിനായി ജിടിബി മോര്‍ച്ചറിയിലേക്ക് മാറ്റിയതായും പോലീസ് പറഞ്ഞു. തട്ടിക്കൊണ്ടുപോകലിനും കൊലപാതകത്തിനും കേസെടുത്തിട്ടുണ്ട്. വിശദമായ അന്വേഷണം പുരോഗമിക്കുകയാണെന്ന് പോലീസ് കൂട്ടിച്ചേര്‍ത്തു.

See also  ഒഴുക്കിൽപ്പെട്ട് കാണാതായ 21 വയസുകാരന്റെ മൃതദേഹം കണ്ടെത്തി…
- Advertisement -

More articles

LEAVE A REPLY

Please enter your comment!
Please enter your name here

- Advertisement -spot_img

Latest article