ഭോപ്പാൽ: പ്രചാരണത്തിൻ്റെ ഭാഗമായി എത്തിയ കോൺഗ്രസ് നേതാവ് പ്രിയങ്കാ ഗാന്ധിക്കു ലഭിച്ച ‘പ്രത്യേക’ ബൊക്കെയാണ് ഇപ്പോൾ സോഷ്യൽ മീഡിയയിൽ വൈറൽ ആകുന്നത്. കഴിഞ്ഞദിവസം മദ്ധ്യപ്രദേശിലെ ഇൻഡോറിൽ നടന്ന കോൺഗ്രസ് റാലിക്കിടെയായിരുന്നു സംഭവം.
ഈ മാസം 17നാണ് മദ്ധ്യപ്രദേശ് നിയമസഭാ തിരഞ്ഞെടുപ്പ് നടക്കുന്നത്. ഇതിനായി മുൻനിര നേതാക്കൾ തന്നെയാണ് പ്രചാരങ്ങൾക്ക് ചുക്കാൻ പിടിക്കുന്നത്. ഇതിനിടെയിലാണ് ഏവരെയും ചിരിപ്പിക്കുന്ന തരത്തിൽ ഒരു താമസ രംഗസം പ്രചാരണച്ചൂടിനെ തണുപ്പിച്ചുകൊണ്ട് ഒരു തമാശരംഗം അരങ്ങേറിയത്. വേദിയിലുണ്ടായിരുന്ന പ്രിയങ്ക ഗാന്ധിയെ സ്വീകരിക്കാൻ പൂക്കളില്ലാത്ത ബൊക്കെയാണ് ഒരു പ്രവർത്തകൻ നൽകിയത്.
ഓരോ നേതാക്കളായി പ്രിയങ്കയുടെ അടുത്തെത്തി അഭിവാദ്യം ചെയ്യുകയും ഇവരിൽ ചിലർ പൂക്കളും മറ്റു സമ്മാനങ്ങൾ നൽകുകയും ചെയ്തു .. ഇതിനിടെയാണ് ഒരു പ്രവർത്തകൻ പൂവില്ലാത്ത ബൊക്കെയുമായി എത്തിയത്. ഇത് സ്വീകരിച്ച പ്രിയങ്ക ആദ്യമൊന്ന് ഞെട്ടിയെങ്കിലും ചിരിയടക്കാനാകാതെ. ബൊക്കെയിലെ പൂക്കൾ എവിടെയെന്ന് ചോദിക്കുകയായിരുന്നു . അപ്പോഴാണ് അബദ്ധം പറ്റിയതായി പ്രവർത്തകർക്ക് മനസിലാകുന്നത്.
പിന്നീട് എല്ലാവരും പ്രിയങ്കയുടെ ഒപ്പം ചേർന്ന് പൊട്ടിച്ചിരിക്കുകയും ചെയ്തു. ഇതിനിടെ ബൊക്കെ കൊടുത്തയാൾ വേദിയിൽ നിന്ന് പെട്ടെന്നുതന്നെ പിൻവാങ്ങുന്നു. ഈ ദൃശ്യങ്ങളും സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നു
