ചെന്നൈ – കോയമ്പത്തൂർ വന്ദേഭാരത് ട്രെയിനിനു ശേഷം കോയമ്പത്തൂരിലേക്ക് മറ്റൊരു വന്ദേഭാരത് കൂടി എത്തുകയാണ്. ബെംഗളൂരുമായാണ് പുതിയ വന്ദേഭാരത് കോയമ്പത്തൂരിനെ ബന്ധിപ്പിക്കുക. കോയമ്പത്തൂർ സൗത്ത് എംഎൽഎയും ബിജെപി നേതാവുമായ വനതി ശ്രീനിവാസനാണ് ഈ പ്രഖ്യാപനം നടത്തിയിരിക്കുന്നത്.
നേരത്തെ തന്നെ കോയമ്പത്തൂർ-വന്ദേഭാരത് ട്രെയിൻ ഉറപ്പായിരുന്നതാണ്. ഇത് എത്രയും വേഗം നടപ്പാകുമെന്നാണ് പുതിയ റിപ്പോർട്ടുകൾ പറയുന്നത്. നിലവിൽ കോയമ്പത്തൂരിനെയും ബെംഗളൂരുവിനെയും ബന്ധിപ്പിച്ച് ഒരു എക്സ്പ്രസ് ട്രെയിൻ (ഉദയ് എക്സ്പ്രസ്) മാത്രമാണ് ഓടുന്നത്. രാവിലെ കോയമ്പത്തൂരിൽ നിന്നെടുക്കുന്ന ഈ ട്രെയിൻ ഏഴ് മണിക്കൂർ കൊണ്ട് ബെംഗളൂരുവിലെത്തും.
