മലയാളി പ്രേക്ഷകര്‍ ഒന്നടങ്കം കാത്തിരിക്കുന്ന ലിജോ ജോസ്- മോഹന്‍ലാല്‍ ചിത്രം ‘മലൈകോട്ടൈ വാലിബൻ ‘ ഈ വരുന്ന ജനുവരി 25 ന് റിലീസിന് ഒരുങ്ങുകയാണ്. സിനിമ പ്രൊമോഷന്‍റെ ഭാഗമായി പങ്കുവെച്ച പോസ്റ്ററുകളും വീഡിയോകളും സോഷ്യല്‍ മീഡിയയില്‍ വൈറല്‍ ആയിരുന്നു . ഇപ്പോഴിതാ വ്യത്യസ്തമായൊരു പ്രൊമോഷന്‍ തന്ത്രമാണ് വാലിബന്‍ ടീം തെരഞ്ഞെടുത്തിരിക്കുന്നത്. ‘വാലിബന്‍ കോമിക്സ്‘ എന്ന പേരില്‍ കോമിക് ബുക്ക്‌ (കാര്‍ട്ടൂണ്‍ പുസ്തകം) ഇറക്കാനുള്ള പദ്ധതിയിലാണ് അണിയറ പ്രവര്‍ത്തകര്‍ . പുസ്തകം 50000 കുട്ടികളിലേക്കാണ് ആദ്യം എത്തുക.
130 ദിവസങ്ങളിൽ രാജസ്ഥാൻ, ചെന്നൈ, പോണ്ടിച്ചേരി എന്നീ സ്ഥലങ്ങളിലാണ് മലൈക്കോട്ടൈ വാലിബന്റെ ചിത്രീകരണം നടന്നത്. ചിത്രത്തിന്റെ തിരക്കഥ ഒരുക്കിയിരിക്കുന്നത് പി എസ് റഫീക്കാണ്. ‘ചുരുളി’ക്ക് ശേഷം മധു നീലകണ്ഠൻ വീണ്ടും ലിജോയ്ക്ക് വേണ്ടി ക്യാമറ ചലിപ്പിക്കുന്ന ചിത്രത്തിന്റെ സംഗീതം നിർവഹിക്കുന്നത് പ്രശാന്ത് പിള്ളയാണ്. ദീപു ജോസഫ് എഡിറ്റിംഗ് നിർവഹിക്കുന്ന ചിത്രത്തിന്റെ വസ്ത്രാലങ്കാരം റോണക്‌സ് സേവ്യറാണ്.പി ആർ ഓ പ്രതീഷ് ശേഖർ.
