ഡോക്ടർമാർ സമയം പാലിക്കുന്നില്ല എന്ന് പരാതി

തൃശൂർ: വരന്തരപ്പിള്ളി കലവറക്കുന്ന് കുടുബാരോഗ്യ കേന്ദ്രത്തിൽ ഡോക്‌ടർമാർ സമയക്രമം പാലിക്കുന്നില്ലെന്നും ചില ജീവനക്കാർ മോശമായി പെരുമാറുന്നുവെന്നും ആരോപിച്ച് ആരോഗ്യമന്ത്രിക്കും ജില്ലാ മെഡിക്കൽ ഓഫീസർക്കും പരാതി നൽകി.

ഡോക്ടർമാർ ആരോഗ്യകേന്ദ്രത്തിൽ എത്താൻ താമസിക്കുന്നുവെന്നും സംശയങ്ങൾ ചോദിക്കുന്ന രോഗികളോട് നേഴ്സുമാരും ജീവനക്കാരും മോശമായി പെരുമാറുന്നുവെന്നും പരാതിയിൽ പറയുന്നു. പനി പടർന്ന് കൂടുതൽ ആളുകൾ ചികിത്സയ്ക്കെത്തുന്ന സാഹചര്യത്തിൽ ഡോക്ടർമാരുടെയും ജീവനക്കാരുടെയും സേവനം കുറ്റമറ്റതാക്കണമെന്ന് പൊതുപ്രവർത്തകനായ സുരേഷ് ചെമ്മനാടൻ പരാതിയിൽ ആവശ്യപ്പെട്ടു.