ചേറൂർ: ചലച്ചിത്ര സംവിധായകനും എഴുത്തുകാരനുമായ ശ്രീ പ്രതാപന്റെ ‘സ്കന്ദനാഗത്തിന്റെ വിഷപ്പല്ല് ‘ എന്ന നോവൽ പ്രകാശനം ചെയ്തു. വില്ലടം യുവജനസംഘം വായനശാലയിൽ വച്ച് പ്രസിഡണ്ട് ടി.ജെ വർഗീസിന്റെ അധ്യക്ഷതയിൽ കൂടിയ ചടങ്ങിൽ വെച്ച് കവിയും നോവലിസ്റ്റുമായ വി .ജി തമ്പിയാണ് പുസ്തക പ്രകാശന കർമ്മം നിർവ്വഹിച്ചത്. ഗ്രന്ഥശാല പ്രവർത്തകനും എഴുത്തുകാരനുമായ സി. വി തങ്കപ്പൻ പുസ്തകം ഏറ്റുവാങ്ങി. കവി അനിൽ നന്ദിപുലം മുഖ്യാതിഥിയായി. ജയപ്രകാശ് ഒളരി, ഷാജൻ മാസ്റ്റർ എന്നിവർ പുസ്തക പരിചയവും, അവലോകനവും നടത്തി.
എഴുത്തുകാരായ ഗോപിനാഥ്. ഐ, സുനിതാ വിൽസൺ, ഐ കെ മോഹനൻ , ജോൺസൺ പി ജെ എന്നിവർ ആശംസകൾ നേർന്നു. മധു പുഷ്പത് കവിതാ ശില്പം അതരിപ്പിച്ചു. ശാന്ത അപ്പു സ്വാഗതവും എ.വി പൊറിഞ്ചു നന്ദിയും പറഞ്ഞു. ചിത്രകാരി രശ്മി കുമാരൻ ഉദ്ഘാടനം ചെയ്ത ശ്രീപ്രതാപിന്റെ ചിത്രങ്ങളുടെ പ്രദർശനവും ഉണ്ടായിരുന്നു.
