Thursday, April 3, 2025

തൃശ്ശൂരില്‍ എക്സെെസിന്‍റെ വന്‍ കഞ്ചാവ് വേട്ട

Must read

- Advertisement -

തൃശ്ശൂർ : തൃശ്ശൂരില്‍ വീട്ടില്‍ സൂക്ഷിച്ചിരുന്ന 22 കിലോ കഞ്ചാവ് എക്സെെസ് സംഘം പിടികൂടി. തൃശ്ശൂർ സ്വദേശിയായ റിക്സന്റെ വീട്ടിലാണ് രഹസ്യ വിവരത്തെ തുടർന്ന് എക്സൈസ് പരിശോധന നടത്തിയത്. രാവിലെയാണ് തൃശ്ശൂര്‍ എക്സെെസ് റേയ്ഞ്ച് ഉദ്യോഗസ്ഥര്‍ പരിശോധനക്കായി വീടിന് സമീപം എത്തുന്നത്. ഈ സമയത്ത് ബെെക്കില്‍ വീട്ടിലേക്ക് വരികയായിരുന്ന വീട്ടുടമ റിക്സണ്‍ എക്സെെസ് സംഘത്തെ കണ്ടതോടെ ബെെക്ക് ഉപേക്ഷിച്ച് ഓടി രക്ഷപ്പെട്ടു. ഇതൊടെ എക്സെെസ് സംഘം വീട്ടില്‍ കയറി പരിശോധച്ചപ്പോഴാണ് വലിയ പാക്കറ്റുകളിലായി സൂക്ഷിച്ചിരുന്ന 22 കിലോ കഞ്ചാവ് കണ്ടെത്തിയത്. പ്രദേശത്തെ ഉത്സവവുമായി ബന്ധപ്പെട്ട് വില്പനക്കായി സൂക്ഷിച്ചതാണ് കഞ്ചാവെന്നാണ് നിഗമനം. റിക്സണ്‍ ഒറ്റക്ക് താമസിച്ചിരുന്ന ഈ വീട്ടില്‍ രാത്രി കാലങ്ങളില്‍ നിരവധി പേര്‍ ബെെക്കുകളില്‍ വന്നു പോകുന്നുണ്ടെന്ന വിവരം എക്സെെസിന് ലഭിച്ചിരുന്നതായി എക്സെെസ് ഡെപ്യൂട്ടി കമ്മീഷ്ണര്‍ പറഞ്ഞു. സംഭവത്തില്‍ കേസെടുത്ത എക്സെെസ് രക്ഷപ്പെട്ട റിക്സനായുള്ള അന്വേഷണം ഊര്‍ജ്ജിതമാക്കിയിട്ടുണ്ട്. റിക്സന്‍ നേരത്തേയും എക്സെെസിന്‍റെ കഞ്ചാവ് കേസില്‍ പ്രതിയാണെന്ന് എക്സെെസ് അറിയിച്ചു.

See also  തെങ്ങൊന്നിന് 70: പച്ചത്തേങ്ങ ഒരുമിച്ച് സംഭരിക്കാം
- Advertisement -

More articles

LEAVE A REPLY

Please enter your comment!
Please enter your name here

- Advertisement -spot_img

Latest article