കോഴിക്കോട് : ടൂറിസ്റ്റ് ബസ് പെട്രോള്‍ പമ്പിലേക്ക് ഇടിച്ചുകയറി ഒരാള്‍ക്ക് പരിക്ക്. കോഴിക്കോട് കൂളിമാട് എംആര്‍പിഎല്‍ പെട്രോള്‍ പമ്പിലേക്കാണ് നിയന്ത്രണം വിട്ട ടൂറിസ്റ്റ് ബസ് ഇടിച്ചു കയറിയത്. പുലര്‍ച്ചെ 2.45 ഓടെയാണ് അപകടം ഉണ്ടായത്.
പമ്പിലെ ജീവനക്കാരനായ സൂരജിന് പരിക്കേറ്റു. കാലിനാണ് പരിക്ക്.. പരിക്ക് ഗുരുതരമല്ല. ഇദ്ദേഹത്തെ കോഴിക്കോട് മെഡിക്കല്‍ കോളേജില്‍ പ്രവേശിപ്പിച്ചു.
ഇടിയുടെ ആഘാതത്തില്‍ ഇന്ധനം അടിക്കുന്ന മെഷീന്‍ പൂര്‍ണമായും തകര്‍ന്നു. ഓട്ടോമാറ്റിക് സംവിധാനം ഉള്ളത് കൊണ്ട് വന്‍ അപകടം ഒഴിവായെന്ന് മാനേജ്‌മെന്റ് അറിയിച്ചു. പോലീസ് സംഭവസ്ഥലത്തെത്തി പരിശോധന നടത്തി.
