ആലപ്പുഴ: കഴിഞ്ഞ ദിവസം കാണാതായ ഗൃഹനാഥന്റെ മൃതദേഹം വെള്ളക്കെട്ടിൽ കണ്ടെത്തി. കാർത്തികപ്പള്ളി സ്വദേശി പ്രാസാദിന്റെ(54) മൃതദേഹമാണ് വെള്ളക്കെട്ടിൽ കണ്ടെത്തിയത്. കഴിഞ്ഞ തിങ്കളാഴ്ച രാത്രിയായിരുന്നു ഗൃഹനാഥനെ കാണാതായത്.
പാലക്കാട് ജോലിയ്‌ക്ക് പോകുന്നു എന്ന് പറഞ്ഞായിരുന്നു പ്രസാദ് വീട്ടിൽ നിന്നും പോയത്. എന്നാൽ പിന്നീട് പ്രസാദിന്റെ ഫോണിൽ വിളിച്ചപ്പോൾ സ്വിച്ച് ഓഫായിരുന്നു. തുടർന്ന് തൃക്കുന്നപ്പുഴ പോലീസിൽ പരാതി നൽകി. പോലീസ് അന്വേഷണം നടക്കുന്നതിനിടെയാണ് വെള്ളക്കെട്ടിൽ നിന്ന് ഗൃഹനാഥന്റെ മൃതദേഹം കണ്ടെത്തിയത്.
