സംസ്ഥാന ശാസ്ത്രോത്സവത്തോട് അനുബന്ധിച്ചു നടക്കുന്ന വൊക്കേഷണൽ എക്സ്പോ 2023 നവംബർ 30 ,ഡിസംബർ 1 ,2 ,3 , എന്നീ തീയതികളിൽ തിരുവനന്തപുരത്ത് നടക്കും. മണക്കാട് ഗവണ്മെന്റ് വൊക്കേഷണൽ ഹയർ സെക്കന്ററി സ്കൂളിൽ വച്ചാണ് എക്സ്പോ നടക്കുന്നത്. ചടങ്ങിന്റെ ഉദ്‌ഘാടനം സ്പീക്കർ എ എൻ ഷംസീർ നിർവഹിക്കും. തിരുവനന്തപുരം മേയർ ആര്യ രാജേന്ദ്രൻ ചടങ്ങിൽ അധ്യക്ഷത വഹിക്കും.കൂടാതെ ശശി തരൂർ എംപി, അടൂർ പ്രകാശ് എംപി, എ എ റഹിം എംപി, ജോൺ ബ്രിട്ടാസ് എംപി , പി ജോയ് എംഎൽഎ ,കടകംപള്ളി സുരേന്ദ്രൻ എംഎൽഎ, വി കെ മുരളി എംഎൽഎ ,ഓ എസ് അംബിക എംഎൽഎ ,വി ശശി എംഎൽഎ ,ഐ ബി സതീഷ് എംഎൽഎ , ജി സ്റ്റീഫൻ എംഎൽഎ , കെ അൻസലാൻ എംഎൽഎ , എം വിൻസെന്റ് എംഎൽഎ ,അഡ്വ.സുരേഷ് കുമാർ, ജില്ലാ കളക്ടർ ജെറോമിക് ജോർജ് തുടങ്ങിയവർ ചടങ്ങിൽ പങ്കെടുക്കും.
സംസ്ഥാനത്തെ 399 വൊക്കേഷണൽ ഹയർ സെക്കന്ററി സ്കൂളുകളിൽ 7 മേഖലകളിൽ നിന്നും ഒന്ന്,രണ്ട്,മൂന്ന് എന്നീ സ്ഥാനങ്ങൾ കരസ്ഥമാക്കിയ വിദ്യാർത്ഥികൾ മത്സരത്തിൽ പങ്കെടുക്കും- കരിക്കുലം റിലേഷൻ, മോസ്റ്റ് ഇന്നൊവേറ്റീവ്,മോസ്റ്റ് പ്രോഫിറ്റബിൾ,മോസ്റ്റ് മാർകറ്റബിൾ എന്നീ 4 ക്യാറ്റഗറികളിലായി രണ്ടായിരത്തിലധികം വിദ്യാർത്ഥികൾ അവരുടെ സ്കൂളുകളിലെ പ്രൊഡക്ഷൻ കം ട്രെയിനിങ് സെന്റർ തയാറാക്കുന്ന ഉത്പന്നങ്ങളും പ്രോജെക്ടുകളും മേളയിൽ അവതരിപ്പിക്കുമെന്ന് പൊതു വിദ്യാഭ്യാസ വകുപ്പ് അറിയിച്ചു.
