പൂസായി ജോലിക്ക് എത്തി : കുടുങ്ങിയവർ 137 പേർ

കെഎസ്‌ആർടിസിയിൽ മദ്യപിച്ച് ജോലിക്കെത്തി പിടിയിലായവരുടെ എണ്ണം 137 ആയി. ഈ മാസം ഒന്നു മുതൽ നടത്തിയ പരിശോധനയിലാണ് ഇത്രയും പേർ പിടിയിലായത്. ഇതിൽ 73 പേർ ഡ്രൈവർമാരാണ്. 137 പേരിൽ 97 പേർ സ്ഥിരം ജീവനക്കാരാണ്. ഇവരെ സസ്പെൻഡ് ചെയ്തു. താൽക്കാലിക ജീവനക്കാരായ 40 പേരെ സർവീസിൽ നിന്നും നീക്കി. കെഎസ്ആർടി സിക്ക് പിന്നാലെ സ്വകാര്യ ബസുകളിലും കഴിഞ്ഞ ദിവസം പരിശോധന തുടങ്ങി.