- Advertisement -
മലപ്പുറം : മൂന്ന് കോടി ചെലവഴിച്ച ബണ്ട് തകര്‍ന്നു. സമഗ്ര കോള്‍ വികസന പദ്ധതിയില്‍ ഉള്‍പ്പെടുത്തിയ പൊന്നാനി കോളിലെ നരണിപ്പുഴ – കുമ്മിപ്പാലം ബണ്ടാണ് തകര്‍ന്നത്. തകര്‍ന്ന ബണ്ട് 60 മീറ്ററോളം ഒലിച്ചു പോയി. ഇന്ന് രാവിലെ 10 മണിയോടെയാണ് സംഭവം.
40 ലക്ഷം രൂപയുടെ നാശനഷ്ടമുണ്ടായെന്നാണ് റിപ്പോര്‍ട്ടുകള്‍. അഞ്ച് മാസം മുമ്പ് സമഗ്ര കോള്‍ വികസന പദ്ധതിയില്‍ 3 കോടിയോളം ചെലവഴിച്ചു നിര്‍മിച്ച ബണ്ടാണ് തകര്‍ന്ന് പോയത്.
ബണ്ട് തകര്‍ന്നതോടെ പുഞ്ച കൃഷി ആരംഭിച്ച വെളിയങ്കോട് പഞ്ചായത്തിലെ നരണിപ്പുഴ-കുമ്മിപ്പാലത്തെ 200 ഏക്കര്‍ പാട ശേഖരം വെള്ളക്കെട്ടിലായി.
