തിരുവനന്തപുരം: അടുത്ത വര്‍ഷത്തെ ദാദാസാഹിബ് ഫാല്‍ക്കെ അവാര്‍ഡ് ഗായകന്‍ യേശുദാസിന് നല്‍കും. പ്രഖ്യാപനം പിന്നീടുണ്ടാകും. ഭാരതസര്‍ക്കാര്‍ ദാദാസാഹിബ് ഫാല്‍ക്കെയെ ആദരിച്ചുകൊണ്ട് 1969 ല്‍ തുടങ്ങിയ പുരസ്‌കാരമാണ് ദാദാ ഫാല്‍ക്കെ പുരസ്‌കാരം. ഇന്ത്യയിലെ ഏറ്റവും വലിയ ചലച്ചിത്രപുരസ്‌കാരമാണ്. ഭാരതീയ ചലച്ചിത്രത്തിന് നല്‍കപ്പെടുന്ന ആജീവനാന്ത സംഭാവനയ്‌ക്കാണ് അവാര്‍ഡ് നല്‍കുന്നത്
ഫെബ്രുവരി 20 ന് അവാര്‍ഡ് സമ്മാനിക്കും.അടൂര്‍ ഗോപാലകൃഷ്ണനാണ് ഈ പുരസ്ക്കാരം ലഭിച്ച ഏക മലയാളി. കഴിഞ്ഞ വര്‍ഷത്തെ പുരസ്‌കാരം ബോളിവുഡ് നടി വഹീദ റഹ്മാനായിരുന്നു.
