- Advertisement -
ടോക്യോ : ജപ്പാനില്‍ റണ്‍വേയില്‍ ഇറങ്ങിയതിന് പിന്നാലെ വിമാനത്തിന് തീപ്പിടിച്ചു. ജപ്പാനിലെ ഹാനഡ വിമാനത്താവളത്തിലാണ് അപകടം. ജെ.എന്‍.എല്‍ 516 വിമാനമാണ് അപകടത്തില്‍പ്പെട്ടത്. ഷിന്‍ ചിറ്റോസെയില്‍ നിന്ന് ഹാനഡയിലേക്ക് വന്ന വിമാനമാണിതെന്നും റിപ്പോര്‍ട്ട് ഉണ്ട്. ആളപായങ്ങള്‍ ഉണ്ടായിട്ടുണ്ടോ എന്ന കാര്യത്തില്‍ വ്യക്തതയില്ല.
വിമാനത്തില്‍ 400-ഓളം പേരുണ്ടായിരുന്നുവെന്നും ഇവരെ പുറത്തെത്തിക്കാന്‍ കഴിഞ്ഞുവെന്നും ചില മാധ്യമങ്ങള്‍ റിപ്പോര്‍ട്ട് ചെയ്യുന്നുണ്ട്. എയര്‍ബസ് എ350 ശ്രേണിയില്‍പ്പെട്ട വിമാനമാണ് അപകടത്തില്‍പ്പെട്ടെതെന്നും റിപ്പോര്‍ട്ടുകള്‍ ഉണ്ട്.
അതേസമയം കോസ്റ്റ് ഗാര്‍ഡിന്റെ വിമാനവുമായി കൂട്ടിയിടിച്ചാണ് തീപിടിച്ചതെന്നും വാര്‍ത്തകള്‍ വരുന്നു.
