പ്രതിരോധ ശേഷി വര്‍ധിപ്പിക്കുന്നതിന് ഈ അഞ്ച് ചേരുവകൾ പാലില്‍ ചേർത്ത് കഴിക്കുന്നത് വളരെ ഉത്തമമാണ് .
- ശര്‍ക്കര
പഞ്ചസാരയ്ക്ക് പകരം ശര്‍ക്കര ഉപയോഗിക്കുന്നത് മഞ്ഞുകാലത്ത് ഒരു മികച്ച ഓപ്ഷനാണ്. പാലിനൊപ്പം ശര്‍ക്കര ചേര്‍ക്കുന്നത് ദഹനം മെച്ചപ്പെടുത്തും. കൂടാതെ ഊര്‍ജ നില നിലനിര്‍ത്താനും പ്രതിരോധ ശേഷി വര്‍ധിപ്പിക്കാനും ശര്‍ക്കര പാലില്‍ ചേര്‍ത്ത് കുടിക്കുന്നത് നല്ലതാണ്.
- ഈന്തപ്പഴം
മഞ്ഞുകാലത്ത് പ്രതിരോധ ശേഷി വര്‍ധിപ്പിക്കാന്‍ സഹായിക്കുന്ന പഴമാണ് ഈന്തപ്പഴം. പാലിനൊപ്പം ഈന്തപ്പഴം ചേര്‍ത്ത് കുടിക്കുന്നത് പ്രതിരോധ ശേഷി കൂട്ടുമെന്ന് മാത്രമല്ല, ഇത് തൊണ്ട വരള്‍ച്ച, ജലദോഷത്തിന്റെ ലക്ഷണങ്ങള്‍ എന്നിവ കുറയ്ക്കാനും ശരീരത്തിന് ഉള്ളില്‍ നിന്ന് ചൂടു നല്‍കാനും സഹായിക്കും.
- ബദാം
പ്രോട്ടീന്‍, വിറ്റാമിന്‍-ഇ, നാരുകള്‍, ഒമേഗ-3 ഫാറ്റി ആസിഡുകള്‍ എന്നിവ ധാരാളം അടങ്ങിയ ബദാം മഞ്ഞുകാലത്ത് കഴിക്കാന്‍ പറ്റിയ ഏറ്റവും മികച്ച ഭക്ഷണമാണ്. ബദാം കുതിര്‍ത്തത് പാലില്‍ അരച്ചു കുടിക്കുന്നത് ഡബിള്‍ ഗുണം ചെയ്യും.
- മഞ്ഞള്‍
പാലില്‍ മഞ്ഞള്‍ ചേര്‍ത്ത് കുടിക്കുന്നത് രോഗങ്ങളെ അകറ്റാനും പ്രതിരോധ ശേഷി മെച്ചപ്പെടുത്താനും സഹായിക്കും. മഞ്ഞളിന് ആന്റി-വൈറല്‍, ആന്റി-ഫംഗല്‍, ആന്റി-ഇന്‍ഫ്ലമേറ്ററി, ആന്റി-സെപ്റ്റിക് ഗുണങ്ങള്‍ അടങ്ങിയിട്ടുണ്ട്. ഇത് പാലിനൊപ്പം ചേര്‍ത്തു കുടിക്കുന്നത് തണുത്ത കാലാവസ്ഥയ്ക്ക് ബസ്റ്റാണ്.
- ജാതിക്ക
പാലില്‍ അല്‍പം ജാതിക്ക പൊടിച്ചത് ചേര്‍ക്കുന്നത് പ്രതിരോധ ശേഷിക്ക് നല്ലതാണ്. കൂടാതെ ദഹനം മെച്ചപ്പെടുത്താനും ഇത് സഹായിക്കും. ജാതിക്കയില്‍ വിറ്റാനിന്‍ എ, സി, ഇ വിറ്റാമിനുകളും കാല്‍സ്യവും മാംഗനീസും മഞ്ഞുകാലത്ത് രോഗാണുക്കളോട് പൊരുതാന്‍ സഹായിക്കും.
