ബോളിവുഡ് സൂപ്പര്‍ താരം ഷാരൂഖ് ഖാനും തെന്നിന്ത്യന്‍ സൂപ്പര്‍ താരം വിജയും ഒരുമിക്കുന്നു. സംവിധായകന്‍ അറ്റ്‌ലിയാണ് ഇതുസംബന്ധിച്ച സൂചന നല്‍കിയത്. ഇരുവര്‍ക്കും പറ്റിയ വിഷയം തിരയുന്നു. വൈകാതെ അത് സംഭവിക്കും. അറ്റ്‌ലി സോഷ്യല്‍ മീഡിയയില്‍ കുറിച്ചു. താരങ്ങള്‍ക്കും ഒരുമിച്ച് സിനിമ ചെയ്യാന്‍ താല്‍പര്യമുണ്ടെന്നും അറ്റ്‌ലി പറയുന്നു.
ഷാരൂഖിനെ നായകനാക്കി അറ്റ്‌ലി സംവിധാനം ചെയ്ത ജവാനില്‍ കാമിയോ റോളില്‍ വിജയ് എത്തുമെന്ന് റിപ്പോര്‍ട്ടുകളുണ്ടായിരുന്നു. പിന്നീട് റിപ്പോര്‍ട്ടുകള്‍ നിഷേധിച്ച് അറ്റ്‌ലി തന്നെ രംഗത്തെത്തി. കാമിയോ റോളില്‍ മാത്രമായി വിജയെ ഒതുക്കാനാവില്ല, ഇരുവരും ഒന്നിക്കുന്ന ചിത്രം തന്റെ സ്വപ്‌നമാണെന്നും അറ്റ്‌ലി പറഞ്ഞിരുന്നു.
ബോളിവുഡിന് ഊര്‍ജ്ജം നല്‍കിയ പത്താനു ശേഷം എത്തിയ ജവാനും വന്‍ വിജയമായി. ഷാരൂഖ് ചിത്രത്തില്‍ ഇരട്ട വേഷത്തിലാണ് എത്തിയത്. നേരത്തെ വിജയെ നായകനായി തെറി, മെര്‍സല്‍, ബിഗില്‍ എന്നീ മൂന്ന് ചിത്രങ്ങള്‍ അറ്റ്‌ലി ഒരുക്കിയിട്ടുണ്ട്.
