സൂപ്പര്‍ ഹിറ്റ് ചിത്രം ജനഗണമനയ്ക്ക് ശേഷം ഡിജോ ജോസ് ആന്റണി സംവിധാനം ചെയ്യുന്ന ചിത്രമാണ് ‘മലയാളി ഫ്രം ഇന്ത്യ’. നിവിന്‍ പോളി നായകനാകുന്ന ചിത്രം ലിസ്റ്റിന്‍ സ്റ്റീഫനാണ് നിര്‍മ്മിക്കുന്നത്. ഇപ്പോള്‍ ചിത്രത്തിന്റെ ടൈറ്റില്‍ അനൗണ്‍സ്‌മെന്റ് വീഡിയോ പുറത്തിറക്കിയിരിക്കുകയാണ്.
നിവിനും സംവിധായകന്‍ ഡിജോ ജോസും ലിസ്റ്റിനും ധ്യാനും എല്ലാവരും വരുന്ന അനൗണ്‍സ്‌മെന്റ് വീഡിയോ ഇതിനകം തന്നെ സമൂഹ മാധ്യമങ്ങളില്‍ വൈറലായിക്കൊണ്ടിരിക്കുകയാണ്. സിനിമയിലെ കുറച്ച് രംഗങ്ങളും ഉള്‍പ്പെടുത്തിയിട്ടുളള ഒരു പ്രൊമോയാണ് പുറത്ത് വന്നിരിക്കുന്നത്.
നിവിനെ കൂടാതെ അനശ്വര രാജന്‍, അനുപമ പരമേശ്വരന്‍, അജു വര്‍ഗീസ്, ധ്യാന്‍ ശ്രീനിവാസന്‍ എന്നിവരും പ്രധാന വേഷത്തിലെത്തുന്നുണ്ട്. വലിയ മുതല്‍ മുടക്കിലൊരുക്കുന്ന ചിത്രം ഒരു കംപ്ലീറ്റ് എന്റര്‍ടെയ്‌നര്‍ ആയിരിക്കുമെന്നാണ് പ്രൊമോ വീഡിയോയില്‍ നിന്ന് വ്യക്തമാകുന്നത്.
ഷാരിസ് മുഹമ്മദ് തിരക്കഥയൊരുക്കുന്ന ചിത്രത്തില്‍ സുദീപ് ഇളമണ്‍ ആണ് ഛായാഗ്രഹണം. സംഗീതം നിര്‍വ്വഹിക്കുന്നത് ജെയിക്‌സ് ബിജോയ് ആണ്. എന്തായാലും നിവിന്റെ ഒരു തിരിച്ചുവരവിനുള്ള എല്ലാം ഘടകങ്ങളും സിനിമയില്‍ ഉണ്ടാകുമെന്നാണ് പ്രൊമോ വീഡിയോയില്‍ നിന്ന് വ്യക്തമാകുന്നത്.
