Saturday, April 5, 2025

കൽക്കി 2898 എ.ഡി. ടീസർ പുറത്തായി

Must read

- Advertisement -

നാഗ് അശ്വിന്റെ(Nag Aswin) സംവിധാനത്തിൽ പ്രഭാസ്(Prabhas), അമിതാഭ് ബച്ചൻ(Amithabh Bachchan), കമൽ ഹാസൻ(Kamal Hassan) , ദീപിക പദുകോൺ(Deepika Padukone), ദിഷ പടാനി (Disha Padani)തുടങ്ങി വൻ താരനിര അണിനിരക്കുന്ന ചിത്രമാണ് ‘കൽക്കി 2898 എ.ഡി. സയൻസ് ഫിക്ഷൻ കാറ്റഗറിയിൽ പെടുന്ന ചിത്രത്തിന്റെ പ്രഖ്യാപനം മുതൽ വലിയ പ്രതീക്ഷയിലാണ് ആരാധകർ. മെയ് 9 നു റിലീസിനൊരുങ്ങുന്ന ചിത്രത്തിന്റെ ഫസ്റ്റ് ലുക്ക് പുറത്തു വിട്ടിരിക്കുകയാണ് അണിയറ പ്രവർത്തകർ

അമിതാഭ് ബച്ചന്റെ എൻട്രി ഉൾപ്പെടുന്ന 69 സെക്കൻഡ് ദൈർഘ്യമുള്ള ടീസറാണ് ഇപ്പോൾ പുറത്തു വന്നിരിക്കുന്നത്. ഗുഹയിൽ, ഒരു ശിവലിംഗത്തെ പ്രാർത്ഥിക്കുന്ന ബച്ചനെയാണ് ട്രെയിലറിൽ കാണാൻ സാധിക്കുക . മഹാഭാരതത്തിലെ ചിരഞ്ജീവിയായ അശ്വത്ഥാമാവ് എന്ന കഥാപാത്രത്തെയാണ്‌ ബച്ചൻ അവതരിപ്പിക്കുന്നത്. ഡീ-ഏജിംഗ് ടെക്‌നോളജി ഉപയോഗിച്ച് ചിത്രീകരിച്ച ചെറുപ്പകാലത്തെ വേഷമാണ് ടീസറിൽ ഉള്ളത്. ‘ഭൈരവ’ എന്ന നായക കഥാപാത്രമായാണ് ചിത്രത്തിൽ പ്രഭാസ് എത്തുന്നത്. വൈജയന്തി മൂവീസിൻ്റെ ബാനറിൽ സി അശ്വനി ദത്താണ് ചിത്രം നിർമ്മിക്കുന്നത്. കൽക്കിയുടെ സംഗീതം സന്തോഷ് നാരായണനാണ് നിർവഹിക്കുന്നത്.

See also  പേർഷ്യൻ രാജ്യത്തിലെ സുൽത്താൻ..; ഫുൾ രോമാഞ്ചിഫേക്കഷനുമായി സലാർ റിലീസ് ട്രെയിലർ
- Advertisement -

More articles

LEAVE A REPLY

Please enter your comment!
Please enter your name here

- Advertisement -spot_img

Latest article