സലാറിന്റെ വിജയത്തിളക്കത്തിലാണ് പ്രഭാസ്. ബാഹുബലി എന്ന ബ്രഹ്‌മാണ്ഡ ചിത്രത്തിന് ശേഷം പാന്‍ ഇന്ത്യ സ്റ്റാറായി മാറിയ പ്രഭാസ് തുടര്‍ പരാജയങ്ങള്‍ക്ക് ശേഷം സലാറിലൂടെ ശക്തമായി തിരിച്ചുവരികയായിരുന്നു. ഉത്തരേന്ത്യയിലടക്കം മികച്ച സ്വീകാര്യതയാണ് ചിത്രം നേടുന്നത്.
എന്നാല്‍ ഈ വിജയത്തിലും സിനിമകള്‍ തിരഞ്ഞെടുക്കുന്നതില്‍ മുന്‍കൂര്‍ മാനദണ്ഡങ്ങളിലെല്ലെന്ന് വ്യക്തമാക്കിയിരിക്കുകയാണ് താരം. സംവിധായകന്‍ മാരുതിയുടെ ഹൊറര്‍ സിനിമയുടെ റിലീസ് തിരക്കുകളിലേക്ക് കടക്കാനിരിക്കെയാണ് താരം തന്റെ നിലപാട് വ്യക്തമാക്കിയിരിക്കുന്നത്.
സലാറിന് ശേഷം പ്രഭാസിന്റേതായി ഇനി പുറത്ത് വരാനിരിക്കുന്നത് വ്യത്യസ്ത ജോണറിലുള്ള സിനിമകളാണ്. അതുകൊണ്ട് തന്നെ സിനിമയുടെ വ്യത്യസ്തയ്ക്ക് വേണ്ടി എന്തിനും തയ്യാറാണെന്നാണ് താരം വ്യക്തമാക്കുന്നത്. എന്നാല്‍ ഒരു കാര്യം മാത്രമേ ശ്രദ്ധിക്കാറുള്ളൂ. തിരക്കഥ എന്നെ ആശ്ചര്യപ്പെടുത്തണം. അല്ലാതെ മുന്‍കൂറായി ഒരു മാനദണ്ഡവും താന്‍ സ്വീകരിക്കാറില്ലെന്ന് പ്രഭാസ് വ്യക്തമാക്കുന്നു.
