ഭിന്നശേഷി കുട്ടികൾക്ക് പഠനയാത്ര സംഘടിപ്പിച്ചു

ഇരിങ്ങാലക്കുട: സമഗ്ര ശിക്ഷാ കേരള ഇരിങ്ങാലക്കുട ബി ആർ സി യുടെ നേതൃത്വത്തിൽ ഭിന്ന ശേഷിക്കുട്ടികൾക്ക് പഠനയാത്ര നടത്തി. ഇരിങ്ങാലക്കുട പോലീസ് സ്റ്റേഷൻ, ഫയർ സ്റ്റേഷൻ, കാക്കാത്തിരുത്തി സീഷോർ പാർക്ക്, പെരിഞ്ഞനം ബീച്ച്എ ന്നിവിടങ്ങളിലേക്കായിരുന്നു യാത്ര. ഫയർ സ്റ്റേഷൻ പ്രവർത്തനങ്ങളെക്കുറിച്ചും, പോലീസ് സ്റ്റേഷൻ പ്രവർത്തനങ്ങളെക്കുറിച്ചും ഉദ്യോഗസ്ഥർ കുട്ടികൾക്ക് ക്ലാസ്സ് എടുത്തു. ബിപിസി കെ ആർ സത്യപാലൻ, സ്പെഷ്യൽ എഡ്യൂക്കേറ്റേഴ്‌സ് ആയ ലിബി, ആതിര രവീന്ദ്രൻ, നിഷ, അനുപം, ലിൻ, സൗമ്യ എന്നിവർ നേതൃത്വം നൽകി. കുട്ടികൾക്ക് പൊതു സ്ഥാപനങ്ങളെ കുറിച്ച് അവബോധം ഉണ്ടാക്കലാണ് ലക്ഷ്യം. രക്ഷിതാക്കളും ഈ പരിപാടിയിൽ ഭാഗമായിരുന്നു.