- Advertisement -
കൊച്ചി നഗരത്തിൽ 52 വയസുകാരിയെ ക്രൂരമായ ബലാത്സംഗ ചെയ്ത സംഭവത്തിൽ പ്രതി പിടിയിൽ.. ആസാം സ്വദേശി ഫിർദൗസ് അലിയാണ് അറസ്റ്റിലായത്. കൊച്ചി സിറ്റി പോലീസാണ് ഇയാളെ പിടികൂടിയത്.
ബുധനാഴ്ച വൈകിട്ട് പൊന്നുരുന്നി റെയിൽവേ ട്രാക്കിനിരകിൽ വച്ചാണ് സംഭവം. പ്രതി 52-കാരിയെ ഓട്ടോറിക്ഷയിൽ കടത്തിക്കൊണ്ടുപോയി ക്രൂര ബലാത്സംഗത്തിനിരയാക്കുകയും മർദ്ദിച്ചവശയാക്കി റെയിൽവേ ട്രാക്കിൽ തള്ളുകയുമായിരുന്നു. ക്രൂര പീഡനത്തെ തുടർന്ന് ശരീരത്തിൽ ഗുരുതരമായി പരിക്കേറ്റ നിലയിലാണ്. പരിക്കുകളോടെ സ്ത്രീ കളമശ്ശരി മെഡിക്കൽ കോളേജ് ആശുപത്രിയിൽ ചികിത്സയിലാണ്. അപകട നില തരണം ചെയ്തതായി പോലീസ് അറിയിച്ചു. ലഹരിക്കേസിൽ നേരത്തെ അറസ്റ്റിലായ പ്രതി ഏതാനും മാസം മുമ്പാണ് പുറത്തിറങ്ങിയത്.
