വര്‍ക്കല : ഉറങ്ങിക്കിടന്ന ഭാര്യയെ ഭര്‍ത്താവ് മണ്ണെണ്ണ ഒഴിച്ചു കൊലപ്പെടുത്താന്‍ ശ്രമം. ഇന്ന് പുലര്‍ച്ചെ 1.30 മണിയോടെ വര്‍ക്കലയിലാണ് (Varkala) സംഭവം. അയിരൂര്‍ മുത്താന അമ്പലത്തുംവിള വീട്ടില്‍ ലീലയെയാണ് (75) ഭര്‍ത്താവായ അശോകന് തീകൊളുത്തി കൊലപ്പെടുത്താന്‍ ശ്രമിച്ചത്. ലീല ഗുരുതരാവസ്ഥയില്‍ ആശുപത്രിയില്‍ ചികിത്സയിലാണ്. വിവരമറിഞ്ഞെത്തിയ പൊലീസ് അശോകനെ രാത്രി തന്നെ കസ്റ്റഡിയിലെടുത്തു.
അശോകന് ഒരു വര്‍ഷം മുന്നേ സ്‌ട്രോക്ക് വരികയും ശരീരം തളര്‍ന്നു പോകുകയും ചെയ്തിരുന്നു. അവശനായ തന്നെ ഭാര്യ ഉപേക്ഷിച്ചു പോകുമെന്ന പേടിയിലും സംശയത്തിലുമാണ് കൊലപ്പെടുത്താന്‍ ശ്രമിച്ചതെന്നായിരുന്നു അശോകന് പൊലീസിന് മൊഴി നല്‍കിയത്.
