ദോശയ്ക്ക് ഇനി വേറെ കറി തിരയേണ്ട ; തക്കാളി ചമ്മന്തി തയ്യാറാക്കിയാലോ

ചേരുവകൾ:

• തക്കാളി – 3 എണ്ണം
• ഉണക്ക മുളക്- 3 എണ്ണം
• കാശ്മീരി മുളക്- 3 എണ്ണം
• വെളിച്ചെണ്ണ- 1 ടേബിൾ സ്പൂൺ
• ജീരകം- 1/2 ടീ സ്പൂൺ
• പരിപ്പ്- 1 ടേബിൾ സ്പൂൺ
• സവാള- 1 എണ്ണം
• കായം- 1/4 ടീ സ്പൂൺ
• വെളുത്തുളളി- 6 എണ്ണം
• മഞ്ഞൾ പൊടി- 1/4 ടീ സ്പൂൺ
• മല്ലിയില- അവശ്യത്തിന്
• കറിവേപ്പില- ആവശ്യത്തിന്
• ഉപ്പ്- ആവശ്യത്തിന്

തയ്യാറാക്കുന്ന വിധം:

• ഒരു ചട്ടിയിലേയ്ക്ക് വെളിച്ചെണ്ണ, ജീരകം, പരിപ്പ് എന്നിവ ചേർത്ത് നല്ലവണ്ണം ചൂടാക്കിയെടുക്കുക.
• ഇനി ഇതിലേക്ക് സവാള,തക്കാളി, വെളുത്തുളളി, കറിവേപ്പില, മഞ്ഞൾ പൊടി, ഉപ്പ് എന്നിവ ചേർത്ത് വഴറ്റിയെടുക്കണം.
• ശേഷം മല്ലിയില,കായം ചേർത്ത് അഞ്ച് മിനിറ്റ് നേരത്തേക്ക് അടച്ചുവയ്ക്കാം.
• ഈ കൂട്ട് ചൂടാറിയ ശേഷം മിക്സിയിലിട്ട് അരച്ചെടുക്കണം.
• ശേഷം ചമ്മന്തിയിലേക്ക് കടുക് പൊട്ടിച്ച് താളിച്ച ഒഴിക്കാം. ഇതോടെ കിടിലൻ തക്കാളി ചട്ട്ണി റെഡ‍ി