(തുടരുന്നു)
ഗ്രാമസേവകരായ സർക്കാർ ജീവനക്കാർ ജനഹിതത്തിനെതിരെ നിലകൊണ്ടാൽ ഉണ്ടാകാവുന്ന ഭവിഷ്യത്ത് ഗുരുതരമായിരിക്കും. ജനങ്ങളുടെ ക്ഷേമം അതുറപ്പിക്കേണ്ടത് തെരെഞ്ഞെടുക്കപ്പെട്ട ഒരു സർക്കാരിന്റെ ഉത്തരവാദിത്തമാണ്. ആ കടമ സർക്കാർ നടപ്പിലാക്കുന്നത് സർക്കാർ ജീവനക്കാരിലൂടെയാണ് . സേവകരായി നിയോഗിക്കപ്പെട്ട സർക്കാർ ജീവനക്കാർ തങ്ങളുടെ ഉത്തരവാദിത്തം നിർവ്വഹിക്കുന്നുണ്ടോ?? ക്ഷേമ പദ്ധതികൾ യഥാസമയം ജനങ്ങളിൽ എത്തിക്കുന്നതിൽ ജീവനക്കാർ വീഴ്ച വരുത്താറുണ്ട്. ഇതിനു തടസ്സമായി പലകാര്യങ്ങളും അവർ നിരത്തിയേക്കാം. എന്നാൽ ഇതൊന്നും തങ്ങളുടെ ഉത്തരവാദത്തിൽ നിന്ന് മാറി നിൽക്കാനുള്ള കാരണമേയല്ല.
അതേസമയം ജീവനക്കാർക്ക് ജനസേവനത്തിനായി ലഭിച്ചിട്ടുള്ള 8 മണിക്കൂർ സമയം അത് ‘വേണ്ടവിധത്തിൽ പ്രയോഗിച്ചാൽ മാത്രം മതി എല്ലാം ശരിയാകും’. തദ്ദേശ സ്വയം ഭരണ സ്ഥാപനങ്ങളിൽ പ്രവർത്തിക്കുന്ന വി.ഇ.ഒ.മാരുടെ കെടുകാര്യസ്ഥതയിൽ തട്ടി തകർന്നടിയുന്നത് ജീവിതങ്ങളാണ്. ഓരോ ഫയലും ഓരോ ജീവിതമെന്ന ഓർമ പെടുത്തലുകൾ വന്നു തറക്കുന്നത് നിങ്ങളിലേക്കാണ്. ആ വാക്കുകളിൽ നിഴലിക്കുന്നത് ജനങ്ങളുടെ കണ്ണീരാണ്. അത് കാണാതെ പോകരുത്.
(തുടരും)
