ഹൈദരാബാദ്: ചെന്നൈ-ഹൈദരാബാദ് ചാർമിനാർ എക്‌സ്പ്രസ് പാളം തെറ്റി. നംപശ്ശി റെയിൽവേ സ്റ്റേഷനിലാണ് അപകടം. സംഭവത്തിൽ യാത്രക്കാർക്ക് പരുക്കേറ്റതായി റിപ്പോർട്ടുകളുണ്ട്. ചെന്നൈയിലേക്കുള്ള യാത്രാമധ്യേ ട്രെയിൻ പ്ലാറ്റ്ഫോമിൽ എത്തിയപ്പോഴാണ് അപകടമുണ്ടായത്. നിർത്തുന്നതിനിടയിൽ, ട്രെയിൻ ട്രാക്കിൽ നിന്ന് തെന്നിമാറി പ്ലാറ്റ്ഫോമിന്റെ പാർശ്വഭിത്തിയിൽ ഇടിച്ചു. ട്രെയിനിന്റെ രണ്ട് ബോഗികൾ പാളം തെറ്റിയതായാണ് റിപ്പോർട്ട്. റെയിൽവെ ഉദ്യോഗസ്ഥർ സംഭവസ്ഥലത്ത് എത്തി യാത്രക്കാരെ ഒഴിപ്പിച്ചു.
സംഭവത്തിന്റെ കാരണം സംബന്ധിച്ച് അടിയന്തര അന്വേഷണം നടക്കുകയാണെന്ന് റെയിൽവേ അറിയിച്ചു. നിരവധി ട്രെയിൻ സർവീസുകൾ വഴിതിരിച്ചുവിടുകയോ റദ്ദാക്കുകയോ വേണ്ടി വരുമെന്ന് റെയിൽവേ അറിയിച്ചു. അഞ്ച് യാത്രക്കാർക്കാണ് അപകടത്തിൽ പരുക്കേറ്റത്.
