ഐസിസി റാങ്കിങില് ഒന്നാമനായി ഇന്ത്യയുടെ ശുഭ്മാന് ഗില്. ഏകദിന ക്രിക്കറ്റില് പാകിസ്ഥാന്റെ ബാബര് അസമിനെ മറികടന്നാണ് ഗിൽ ഈ നേട്ടം കൈവരിച്ചത്. ബൗളര്മാരില് മുഹമ്മദ് സിറാജാണ് ഒന്നാം റാങ്ക്.
വിരാട് കോലിയെ പിന്തള്ളി 2021 ഏപ്രില് 14 മുതല് ബാബര് അസമായിരുന്നു ബാറ്റ്സ്മാന്മാരില് ഒന്നാം റാങ്കില്. നിലവില് ഗില്ലിന് 830 പോയിന്റും, ബാബര് അസമിന് 824 പോയിന്റുമാണുള്ളത്.
കേവലം 41 ഇന്നിങ്സുമായി ഒന്നാം നമ്പര് താരമെന്ന നേട്ടം സ്വന്തമാക്കുന്ന രണ്ടാമത്തെ താരമാണ് ശുഭ്മാന്. 38 ഇന്നിങ്സില് ഒന്നാമതെത്തിയ എം.എസ് ധോണിക്കാണ് ഈ റെക്കോഡ്.ക്വിന്റണ് ഡി കോക്ക് ആണ് റാങ്കിങില് മൂന്നാം സ്ഥാനത്തുള്ളത്. വിരാട് കോലി, ഡേവിഡ് വാര്ണര് എന്നിവര് യഥാക്രമം നാലും അഞ്ചും സ്ഥാനങ്ങള് നേടി.കുല്ദീപ് യാദവ്, ജസ്പ്രീത് ബുമ്ര, മുഹമ്മദ് ഷമ്മി എന്നിവരും ബൗളര്മാരില് ആദ്യ പത്തില് ഇടംനേടി.