പട്ടാപ്പകൽ കുരുമുളക് മോഷണം; പ്രതിക്കായി തിരച്ചിൽ

കോഴിക്കോട്: ഓമശ്ശേരിയിൽ പട്ടാപ്പകൽ കുരുമുളക് മോഷണം നടത്തി യുവതി . യുവാവിനൊപ്പം ബൈക്കിലെത്തിയാണ് വീട്ടുമുറ്റത്ത് ഉണക്കാനിട്ടിരിക്കുന്ന കുരുമുളക് യുവതി ചാക്കിലാക്കി കൊണ്ടുപോയത്. ഇതിന്റെ സിസിടിവി ദൃശ്യങ്ങൾ പുറത്ത് വന്നു. നെല്ലിക്കൽ സ്കറിയ എന്നയാളുടെ വീടുമുറ്റത്ത് നിന്നും ഇന്നലെ ഉച്ചക്ക് രണ്ട് മണിക്കാണ് കുരുമുളക് മോഷണം പോയത്. കോടഞ്ചേരി പൊലീസിൽ പരാതി നൽകിയിട്ടുണ്ടെന്ന് വീട്ടുകാർ അറിയിച്ചു.