തൈരും പച്ചമുളകും മാത്രം മതി, ചോറുണ്ണാൻ വേറൊന്നും വേണ്ട

ചേരുവകൾ

• വെളിച്ചെണ്ണ
• കടുക്
• ഉലുവ
• പെരുംജീരകം
• ചെറിയജീരകം
• പച്ചമുളക്
• കുരുമുളക്
• മുളക്പൊടി
• മഞ്ഞൾപ്പൊടി
• തൈര്
• കായപ്പൊടി
• ഉപ്പ്

തയ്യാറാക്കുന്ന വിധം

• കുറച്ച് പച്ചമുളക് ഞെട്ടു കളഞ്ഞ് നെടുകെ പിളർന്ന് എടുക്കാം.
• അര ടീസ്പൂൺ പെരുംജീരകം അര ടീസ്പൂൺ ചെറിയ ജീരകം രണ്ടു മൂന്ന് കുരുമുളക് കാൽ ടീസ്പൂൺ ഉലുവ എന്നിവ പൊടിച്ചെടുക്കാം.
• ശേഷം ഒരു പാനിൽ ഒരു ടേബിൾ സ്പൂൺ വെളിച്ചണ്ണ ഒഴിച്ച് അതിലേയ്ക്ക് അര ടീസ്പൂൺ കടുക് ചേർത്ത് പൊട്ടിക്കുക. എടുത്ത് വെച്ചിരിക്കുന്ന പച്ചമുളക് അതിലേയ്ക്കു ചേർത്ത് വഴറ്റാം.
• തുടർന്ന് തയ്യാറാക്കി വെച്ചിരിക്കുന്ന മസാലപ്പൊടി കൂടി ചേർത്തു നന്നായി ഇളക്കി യോജിപ്പിക്കാം.
• അര ടീസ്പൂൺ മുളകുപൊടി കാൽ ടീസ്പൂൺ മഞ്ഞൾപ്പൊടി എന്നിവ കൂടി ചേർത്തിളക്കി യോജിപ്പിക്കാം.
• അതിലേയ്ക്ക് അര കപ്പ് തൈര് കാൽ ടീസ്പൂൺ കായപ്പൊടി ആവശ്യത്തിന് ഉപ്പും കൂടി ചേർത്ത് മിക്സ് ചെയ്യാം.
• ലഭ്യമെങ്കിൽ കറിവേപ്പില കൂടി ചേർത്ത് ചൂടോടെ ചോറിനൊപ്പം കഴിക്കാം.