ഇന്നലെ നടന്ന ദക്ഷിണാഫ്രിക്കയ്‌ക്കെതിരായ നിര്‍ണ്ണായക മൂന്നാം ഏകദിന മത്സരത്തില്‍ സഞ്ജു സെഞ്ചുറി നേടിയിരുന്നു.. സഞ്ജുവിന്റെ കന്നി സെഞ്ചുറിയായിരുന്നു ഇത്.
എപ്പോഴും ക്രിസീല്‍ എത്തിയാല്‍ ആക്രമണ ബാറ്റിംഗ് പുറത്തെടുക്കുന്ന സഞ്ജു ഇപ്രാവശ്യം കരുതലോടെയാണ് തുടങ്ങിയത്. ക്ഷമയോടെ ഇന്ത്യന്‍ ഇന്നിങ്‌സിനെ തോളിലേറ്റുന്ന സഞ്ജുവിനെയാണ് ഇന്നലെ കാണാനായത്. അതുകൊണ്ട് തന്നെ സഞ്ജുവിന് കരിയറില്‍ ആദ്യ സെഞ്ചുറിയും നേടാനായി. 114 പന്തില്‍ 108 റണ്‍സായിരുന്നു സഞ്ജു നേടിയത്.
സഞ്ജുവിന്റെ ഈ സെഞ്ചുറി നേട്ടത്തോടെ എട്ട് വര്‍ഷത്തെ കാത്തിരിപ്പാണ് വിരാമമായത്. അതുകൊണ്ട് തന്നെ സെഞ്ചുറി നേടിയ ശേഷം താരം വികാരഭരിതനായി..
”നല്ലൊരു നിമിഷത്തിലൂടെയാണ് കടന്നു പോകുന്നത്.. ഇതെന്നെ വികാരാധീനനാക്കുന്നു. മാനസികമായും ശാരീരികമായും ഞാനൊരുപാട് കഷ്ടപ്പെടുന്നുണ്ട്.” സഞ്ജു പറയുന്നു.
”ദക്ഷിണാഫ്രിക്ക ന്യൂ ബോളില്‍ നന്നായി പന്തെറിഞ്ഞിരുന്നു. അതുകൊണ്ട് തന്നെ ബാറ്റ് ചെയ്യാന്‍ ബുദ്ധിമുട്ടായിരുന്നു. എന്നാല്‍ തിലകുമായുള്ള കൂട്ട് കെട്ട് കൊണ്ട് മുന്നോട്ടുപോകാനായി. മഹാരാജും മികച്ച രീതിയില്‍ പന്തെറിഞ്ഞു.. സഞ്ജു കൂട്ടിച്ചേര്‍ത്തു.
ഏകദിനത്തില്‍ കന്നി സെഞ്ചുറിയാണ് താരം നേടുന്നതെങ്കിലും ഐപിഎല്ലില്‍ മൂന്ന് സെഞ്ചുറികള്‍ നേടിയിട്ടുണ്ട്. എല്ലായ്‌പ്പോഴും വിമര്‍ശനങ്ങള്‍ക്ക് വിധേയനാകുന്ന സഞ്ജു ഇന്നലത്തെ പ്രകടനത്തോടെ അതെല്ലാം കാറ്റില്‍ പറത്തി.
