ചാമ്പ്യന്‍സ് ലീഗും പ്രീമിയര്‍ ലീഗും എഫ് എ കപ്പും നേടിയതിന് ശേഷം മാഞ്ചസ്റ്റര്‍ സിറ്റി അടുത്ത കിരീട ലക്ഷ്യത്തിലേക്ക്.. ഫിഫ ക്ലബ് ലോകകപ്പ് ഫുട്‌ബോളിന്റെ ഫൈനലിലേക്കാണ് പെപ്പും പിള്ളേരും പ്രവേശിച്ചത്.
ജിദ്ദയിലെ കിങ് അബ്ദുല്ല സ്‌പോര്‍ട് സിറ്റിയില്‍ നടന്ന സെമിഫൈനലില്‍ ജാപ്പനീസ് ക്ലബ് ഉറാവ റെഡ് ഡയമണ്ട്‌സിനെയാണ് സിറ്റി തോല്‍പ്പിച്ചത്. ഏകപക്ഷീയമായ മത്സരത്തില്‍ എതിരില്ലാത്ത മൂന്ന് ഗോളുകള്‍ക്കായിരുന്നു മാഞ്ചസ്റ്റര്‍ സിറ്റിയുടെ വിജയം. ഫൈനലില്‍ ബ്രസീല്‍ ക്ലബ്ബായ ഫല്‍മിനന്‍സാണ്‌ സിറ്റിയുടെ എതിരാളികള്‍.
മത്സരം തുടങ്ങി ആദ്യ പകുതിയില്‍ സെല്‍ഫ് ഗോളിലൂടെ സിറ്റി മുന്നിലെത്തി. ഉറാവയുടെ പ്രതിരോധത്തില്‍ നിന്ന് വന്ന പിഴവാണ് സെല്‍ഫ് ഗോളില്‍ കലാശിച്ചത്. രണ്ടാം പകുതിയില്‍ സിറ്റി താരങ്ങളായ മാത്തിയോ കൊവാസ്‌കിയും ബെര്‍ണാഡോ സില്‍വയും ഗോളുകള്‍ നേടി..
