കരുവന്നൂർ: ഇരിങ്ങാലക്കുട കരുവന്നൂർ തേലപ്പിള്ളിയിൽ നിന്ന് കാണാതായ മൂന്ന് വിദ്യാർഥികളെയും കയ്പമംഗലത്ത് കണ്ടെത്തി. ഇന്നലെ രാത്രി പതിനൊന്ന് മണിയോടെ ദേശീയപാതയിൽ കയ്പ്‌പമംഗലം 12 സെൻ്ററിലാണ് വിദ്യാർഥികളെ കണ്ടെത്തിയത്. റോഡിൽ നിന്ന് ഒരു കാറിന് കൈ കാണിച്ച വിദ്യാർഥികളെ ഡ്രൈവർ വാഹനം നിർത്തി കാറിൽ കയറ്റി കയ്പമംഗലം പോലീസ് സ്റ്റേഷനിൽ എത്തിക്കുകയായിരുന്നു. മൂന്ന് പേരും സുരക്ഷിതരാണ്.
തേലപ്പിള്ളി സ്വദേശികളായ ഐനേരിപറമ്പിൽ അജിത്കുമാറിന്റെ മകൻ അഭിനന്ദ്, പെരുംമ്പിള്ളി ലാലുവിന്റെ മകൻ എമിൽ, നന്തിലത്ത് പറമ്പിൽ ജയന്റെ മകൻ ആദിദേവ് എന്നിവരെയാണ് കണ്ടെത്തിയത്. കരുവന്നൂർ സെന്റ് ജോസഫ് സ്കൂൾ ഏഴാം ക്ലാസ് വിദ്യാർത്ഥികളാണ് മൂന്ന് പേരും.
