തൃശ്ശൂർ: നവകേരളയാത്ര ജനങ്ങളോടുള്ള വെല്ലുവിളിയാത്രയായി മാറിയെന്ന് കേരള കോൺഗ്രസ് എക്‌സിക്യുട്ടീവ് ചെയർമാൻ മോൻസ് ജോസഫ് എം.എൽ.എ. പറഞ്ഞു. രണ്ടുദിവസങ്ങളിലായി നടന്ന കേരള കോൺഗ്രസ് ജില്ലാ നേതൃക്യാമ്പിന്റെ സമാപനസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ പ്രസിഡന്റ് സി.വി. കുര്യാക്കോസ് അധ്യക്ഷനായി.
ഡെപ്യൂട്ടി ചെയർമാൻ തോമസ് ഉണ്ണിയാടൻ, സംസ്ഥാന വൈസ് ചെയർമാൻ എം.പി. പോളി, അപു ജോൺ ജോസഫ്, ജോർജ് കിഴക്കുമശേരി, സോജൻ ജെയിംസ്, പി.ടി. ജോർജ്, ഷൈനി ജോർജോ, ഡോ. ദിനേശ് കർത്താ എന്നിവർ പ്രസംഗിച്ചു. പാർലമെന്റ് തിരഞ്ഞെടുപ്പ് ഒരുക്കത്തിന്റെ ഭാഗമായി നിയോജകമണ്ഡലം, മണ്ഡലം, വാർഡ്, അടിസ്ഥാനത്തിൽ ക്യാമ്പുകൾ സംഘടിപ്പിക്കാൻ തീരുമാനിച്ചു.
