- Advertisement -
തൃശൂർ: മഹാകവി വൈലോപ്പിള്ളി ശ്രീധരമേനോന്റെ 38-ാമത് ചരമ വാർഷിക ദിനം 2023 ഡിസംബർ 22 കേരള സാഹിത്യ അക്കാദമി ആഡിറ്റോറിയത്തിൽ വൈകീട്ട് 3.30ന് വിവിധ പരിപാടികളോടെ ആഘോഷിക്കും.
സ്മാരക സമിതി പ്രസിഡന്റ് ഡോ. പി വി കൃഷ്ണൻ നായരുടെ അധ്യക്ഷതയിൽ ചേരുന്ന യോഗത്തിൽ ഡോ.സുനിൽ പി ഇളയിടം വെെലോപ്പിള്ളി കവിതയും, ലോകവൈരുധ്യങ്ങളും എന്ന വിഷയം ആധാരമാക്കി സ്മാരക പ്രഭാഷണം നിർവ്വഹിക്കും.
നാല്പത് വയസ്സിന് താഴെയുള്ള കവികൾക്ക് നൽകി വരുന്ന വൈലോപ്പിള്ളി കവിതാ പുരസ്കാരം ‘ബോർഡർ ലൈൻ’ എന്ന കവിത സമാഹാരത്തിന്റെ രചനയ്ക്ക് രേഷ്മ സി-ക്ക് സമ്മാനിക്കും.
ഈ വർഷത്തെ എഴുത്തച്ഛൻ പുരസ്കാരജേതാവായ സമിതി മുൻ പ്രസിഡന്റ ഡോ.എസ് കെ വസന്തനെ പൊന്നാടയണിയിച്ച് ആദരിക്കും. യോഗാനന്തരം ഇരിങ്ങാലക്കുട സെന്റ് ജോസഫ് കോളേജ് മലയാള വിഭാഗം വൈലോപ്പിള്ളിക്കവിതകൾ ആധാരമാക്കി ഏകജീവിതാനശ്വര ഗാനം എന്ന പരിപാടി അവതരിപ്പിക്കും.
