Thursday, April 3, 2025

അയോധ്യ പ്രാണപ്രതിഷ്ഠ ആഘോഷിക്കാൻ അമേരിക്കയും

Must read

- Advertisement -

ചിക്കാഗോ: അയോധ്യയിലെ പ്രാണപ്രതിഷ്ഠാദിനം ആഘോഷമാക്കാന്‍ അമേരിക്കയും. രാജ്യത്തെ എല്ലാ ഹിന്ദുവീടുകളിലും പ്രാണപ്രതിഷ്ഠാദിനത്തില്‍ ദീപങ്ങള്‍ തെളിയും.

വിവിധ നഗരങ്ങളില്‍ കാര്‍ റാലികള്‍, പ്രാണപ്രതിഷ്ഠാ ചടങ്ങിന്റെ തത്സമയ സംപ്രേഷണം, ഭക്തസദസുകള്‍ തുടങ്ങി നിരവധി പരിപാടികള്‍ സംഘടിപ്പിക്കുമെന്ന് ചിക്കാഗോ ഹിന്ദുസമാജം ഭാരവാഹിയായ ഭാരത് ബരായ് പറഞ്ഞു. ഇത് എല്ലാവരുടെയും സ്വപ്‌ന സാക്ഷാത്കാരമാണ്.

ഈ ദിവസം കാണാനാവുമെന്ന് ജീവിതത്തില്‍ ഒരിക്കലും കരുതിയിരുന്നില്ല. ആ നിമിഷം വന്നിരിക്കുന്നു. അയോധ്യയിലെ രാമക്ഷേത്രത്തിന്റെ പ്രാണപ്രതിഷ്ഠ ആഘോഷിക്കാനുള്ള സമയമാണിത്, ബരായ് പറഞ്ഞു. രാമജന്മഭൂമി പ്രക്ഷോഭത്തില്‍ അമേരിക്കയിലെ ഹിന്ദുസമാജവും പങ്കാളികളാണെന്ന് അദ്ദേഹം പറഞ്ഞു.

ഈ ആഘോഷങ്ങളില്‍ ആയിരത്തിലധികം ക്ഷേത്രങ്ങളും പങ്കാളികളാകും. ജനങ്ങള്‍ക്ക് പങ്കെടുക്കാന്‍ അവസരമൊരുക്കുന്നതിന് വിശ്വഹിന്ദു പരിഷത്ത് ഓഫ് അമേരിക്ക (വിഎച്ച്പിഎ) ഒരു വെബ്സൈറ്റും ആരംഭിച്ചു.

See also  ബീഹാറിന് വാരിക്കോരിക്കൊടുത്ത് ബജറ്റ് ; നിരവധി പ്രഖ്യാപനങ്ങൾ
- Advertisement -

More articles

LEAVE A REPLY

Please enter your comment!
Please enter your name here

- Advertisement -spot_img

Latest article