എഴുത്തുകാരിയും മനുഷ്യസ്‌നേഹിയുമായ സുധാ മൂർത്തിയെ രാഷ്ട്രപതി ദ്രൗപതി മുർമു രാജ്യസഭയിലേക്ക് നാമനിർദ്ദേശം ചെയ്തതായി പ്രധാനമന്ത്രി നരേന്ദ്ര മോദി പ്രഖ്യാപിച്ചു. സുധാ മൂർത്തിയെ അഭിനന്ദിച്ച പ്രധാനമന്ത്രി, വൈവിധ്യമാർന്ന മേഖലകളിൽ അവർ നൽകിയ സംഭാവന വളരെ വലുതും പ്രചോദനാത്മകവുമാണെന്നും പറഞ്ഞു.
“ഇന്ത്യൻ രാഷ്ട്രപതി സുധാമൂർത്തി ജിയെ രാജ്യസഭയിലേക്ക് നാമനിർദ്ദേശം ചെയ്തതിൽ ഞാൻ സന്തോഷവാനാണ്. സാമൂഹിക പ്രവർത്തനം, ജീവകാരുണ്യ പ്രവർത്തനങ്ങൾ, വിദ്യാഭ്യാസം തുടങ്ങി വിവിധ മേഖലകളിൽ സുധാ ജിയുടെ സംഭാവനകൾ വളരെ വലുതും പ്രചോദനാത്മകവുമാണ്. രാജ്യസഭയിലെ അവരുടെ സാന്നിദ്ധ്യം നമ്മുടെ ‘നാരി ശക്തി’യുടെ ശക്തമായ സാക്ഷ്യമാണ്, നമ്മുടെ രാജ്യത്തിൻ്റെ ഭാഗധേയം രൂപപ്പെടുത്തുന്നതിൽ സ്ത്രീകളുടെ ശക്തിയും കഴിവും ഉദാഹരണമാണ്. അവർക്ക് ഫലപ്രദമായ പാർലമെൻ്ററി ഭരണം ആശംസിക്കുന്നു,” പ്രധാനമന്ത്രി മോദി എക്‌സിൽ കുറിച്ചു.
