ബോളിവുഡ് ചലച്ചിത്ര മേഖലയിലെ മുൻനിരയിൽ നിൽക്കുന്ന നടന്മാരിൽ ഒരാളാണ് സൽമാൻ ഖാൻ. സൽമാന്റെ വ്യക്തി ജീവിതവും സിനിമ ജീവിതവും പലപ്പോഴും വിവാദങ്ങൾക്ക് ഇടയാക്കാറുണ്ട്. 1988 ൽ പുറത്തിറങ്ങിയ ബീവി ഹോ തോ ഐസ് എന്ന ചിത്രത്തിലൂടെയാണ് സിനിമാ ലോകത്തേക്ക് കടന്നു വരുന്നത്. ടൈഗർ 3യാണ് സൽമാൻ ഖാൻ നായകനായി എത്തിയ പുതിയ ചിത്രം. കത്രീന കൈഫ്, ഇമ്രാൻ ഹാഷ്മി എന്നിവരാണ് മുഖ്യവേഷങ്ങളിലെത്തിയത്. 2012-ൽ പുറത്തിറങ്ങിയ ഏക്ഥാ ടൈ?ഗർ, 2017-ലിറങ്ങിയ ടൈഗർ സിന്ദാ ഹേ എന്നീ ചിത്രങ്ങളുടെ തുടർച്ചയാണ് യഷ് രാജ് സ്‌പൈ യൂണിവേഴ്‌സിൽ ഉൾപ്പെട്ട ടൈഗർ 3.
ഇപ്പോഴിതാ 25-26 വർഷമായി താൻ പുറത്ത് നിന്ന് അത്താഴം കഴിച്ചിട്ടെന്ന് വെളിപ്പെടുത്തുകയാണ് നടൻ സൽമാൻ ഖാൻ. 25, 26 വർഷമായി, അല്ലെങ്കിൽ അതിലേറെ കാലമായി വീട്ടിൽനിന്ന് പുറത്തുപോയി അത്താഴവിരുന്ന് കഴിച്ചിട്ടില്ലെന്ന് സൽമാൻ ഖാൻ പറഞ്ഞു. സിനിമാ ഷൂട്ടിങ്ങുകൾക്കുവേണ്ടി മാത്രമാണ് വീടുവിട്ട് യാത്രചെയ്യാറുള്ളത്. വീട്ടുമുറ്റത്തിരിക്കുന്നതോ ഫാമിലേക്ക് പോകുന്നതോ മാത്രമാണ് ഔട്ടിങ് എന്ന രീതിയിൽ ആകെ ചെയ്യാറുള്ളതെന്നും സൽമാൻ ഖാൻ പറഞ്ഞു.
’25, 26 വർഷമായി, അല്ലെങ്കിൽ അതിലേറെ കാലമായി വീട്ടിൽനിന്ന് പുറത്തുപോയി ആഹാരം കഴിച്ചിട്ട്. വീട്, ഷൂട്ട്, ഹോട്ടൽ, എയർപോർട്ട്, ലൊക്കേഷൻ, വീട്ടിലേക്ക്, പിന്നെ ജിമ്മിലേക്കാണ് എന്റെ യാത്ര. അത്രയേയുള്ളൂ. എന്റെ കുടുംബത്തേക്കാൾ കൂടുതൽ സമയം ഞാൻ എന്റെ സ്റ്റാഫിനൊപ്പം ചെലവഴിക്കുന്നു. ഷോപ്പിംഗിന് പോലും ഞാൻ പോകാറില്ല. ഒറ്റയ്ക്ക് പുറത്ത് പോകാറില്ല. അടുത്തകാലത്ത് പുറത്തുപോയത് അമ്മയേയും കൂട്ടി ഒരു ചായ കുടിക്കാനോ മറ്റോ ആണെന്നാണ് ഓർമ്മ. അത്രമാത്രം’. സൽമാൻ ഖാൻ പറഞ്ഞു.
