രാഹുൽ സദാശിവൻ (Rahul Sadasivan) തിരക്കഥയും സംവിധാനവും നിർവഹിച്ച മമ്മൂട്ടി (Mammootty) ചിത്രം ഭ്രമയുഗ (Bramayugam) ത്തിനെതിരെ കുഞ്ചമൺ കുടുംബം ഹൈക്കോടതിയിൽ. ചിത്രം തങ്ങളുടെ കുടുംബത്തെ മോശമായി ചിത്രീകരിക്കുന്നതാണെന്നും, ചിത്രത്തിൻ്റെ സെൻസർ സർട്ടിഫിക്കറ്റ് റദ്ദാക്കണമെന്നും ആവശ്യപ്പെട്ട് കുഞ്ചമൺ കുടുംബാംഗം പി.എം.ഗോപിയാണ് ഹൈക്കോടതിയെ സമീപിച്ചത്. പ്രദർശനാനുമതി റദ്ദാക്കണമെന്നും ഹർജിയിൽ ആവശ്യപ്പെടുന്നു. ഹർജിയിൽ ജസ്റ്റിസ് ദേവൻ രാമചന്ദ്രൻ കേന്ദ്ര സർക്കാരിന്റെയടക്കം വിശദീകരണം തേടി.
മമ്മൂട്ടി അവതരിപ്പിക്കുന്ന പ്രധാന കഥാപാത്രമായ കുഞ്ചമൺ പോറ്റി ദുർമന്ത്രവാദമടക്കമുള്ള പ്രവർത്തികളിൽ ഏർപ്പെടുന്നതായി സിനിമയിലുണ്ട്. ഇത് തങ്ങളുടെ കുടുംബത്തിന്റെ സൽപ്പേരിന് കളങ്കമുണ്ടാക്കുന്നതാണെന്നാണ് ഹർജിക്കാരന്റെ വാദം.
